- Lyrics
- Album list
- Singer Intro
黃西田
-
天公疼憨人
既然出生惦世間 好歹的命運攏嗎相同 你若是認真甲勤儉 厝內米缸攏袂空 老實忠厚是做人的頭一項 用謀造計千萬著不通喔 一日到晚想空甲想縫嘿 敢著一定會凍照心願伊~ 事事項項甲人若有照起工 大小代誌做著嗎甲會圓滿 朋友弟兄看咱嗎才有夠重 伊才願意甲咱鬥幫忙伊~ 不通展咱自己外呢仔賢 做事應該顧前甲顧後 甲人做陣那是相計較 朋友一個你著交袂條 若無朋友相扶持咧 那有法度賺大錢 甲人做陣若無誠意 頭路卡做嗎袂啊順序 萬項咱著想啊卡開 絕對不通驚人砒 也無佔人的便宜 互相才袂疑神甲疑鬼伊~ 看人成功不通赤目空 自己失敗也是免怨嘆 心情應該放乎鬆喔 好好打拚追求新的希望 計較無彩工賢算無卡長 人塊做天塊看 天公總是疼憨人 阿疼憨人
------------------------------------------
19192/《天公疼戇人》Thinn-kong Thiànn Gōng-lâng 黃西田N̂g Se-tiân
既然出世踮世間 kì-jiân tshut-sì tiàm sè-kan 好歹的命運攏嘛相仝 hó-pháinn ê miā-ūn lóng-mā sio-kāng 你若是認真佮勤儉 lí nā-sī jīn-tsin kah khûn-khiām 厝內米甕攏袂空 tshù-lāi bí-àng lóng buē khang
老實忠厚 láu-si̍t tiong-hōo 是做人的頭一層 sī tsuè-lâng ê thâu tsi̍t-tsân 用謀造計 iōng-bôo tsō-kè 千萬著毋通喔 tshian-bān tio̍h m̄-thang--ooh 一日到暗 tsi̍t-ji̍t kàu-àm 想空佮想縫呢 siūnn khang kah siūnn phāng--neh 敢著一定 kám tio̍h it-tīng 會當照心願咿 ē-tàng tsiàu sim-guān--ih~
事事項項 sū-sū-hāng-hāng 佮人若有照起工 kah lâng nā ū tsiàu-khí-kang 大小代誌 tuā-sió tāi-tsì 做著嘛較會圓滿 Find more lyrics at ※ Mojim.com tsuè-tio̍h mā khah ē uân-buán 朋友弟兄 pîng-iú tē-hiann 看咱嘛才有夠重 khuànn lán mā tsiah ū-kàu tāng 伊才願意 i tsiah guān-ì 共咱鬥幫忙咿 kā lán tàu pang-bâng--ih~
毋通展咱家己 m̄-thang tián lán ka-kī 偌爾仔𠢕 guā-nī-á gâu 做事應該 tsuè-sū ing-kai 顧前佮顧後 kòo tsîng kah kòo āu 佮人做陣 kah lâng tsuè-tīn 若是相計較 nā-sī sio kè-kàu 朋友一个你都交袂牢 pîng-iú tsi̍t-ê lí to kau buē-tiâu 若無朋友相扶持咧 nā bô pîng-iú sio hû-tshî--leh 哪有法度趁大錢 ná-ū huat-tōo thàn-tuā-tsînn
佮人做陣 kah lâng tsuè-tīn 若無誠意 nā bô sîng-ì 頭路較做 thâu-lōo khah tsuè 嘛袂啊順序 mā buē--ah sūn-sī 萬項咱著想啊較開 bān-hāng lán tio̍h siūnn--ah khah khui 絕對毋通驚人偏 tsua̍t-tuì m̄-thang kiann lâng phinn 也莫占人的便宜 iā mài tsiàm lâng ê pân-gî 互相才袂疑神佮疑鬼咿 hōo-siong tsiah buē gî-sîn kah gî-kuí--ih~
看人成功 khuànn lâng sîng-kong 毋通赤目空 m̄-thang tshiah ba̍k-khang 自己失敗 tsū-kí sit-pāi 也是免怨嘆 iā-sī bián uàn-thàn 心情應該放予鬆喔 sim-tsîng ing-kai pàng hōo sang--ooh 好好拍拚 hó-hó phah-piànn 追求新的希望 tui-kiû sin ê hi-bāng
計較無彩工 kè-kàu bô-tshái-kang 𠢕算無較長 gâu sǹg bô-khah-tshâng 啊人咧做 ah lâng teh tsuè 天咧看 thinn teh khuànn 天公總是疼戇人啊 thinn-kong tsóng-sī thiànn gōng-lâng--ah 疼戇人 thiànn gōng-lâng
- Special thanks to W.B. Chen for correcting the lyric.
- Related Links: W.B. Chen
|