- Lyrics
- Album list
- Singer Intro
阿牛
-
水查某
Lyricist:陳慶祥/阿德 Composer:陳慶祥 Arranger:小葉
有一個水查某 走在Pekan的街頭 長長卷卷的頭髮 紅紅的嘴口 黑金黑金 愈看愈入心
我是緣投的乾甫 蹲在路邊挖鼻孔 看到你我心肝四散闖 眼睛大大打乒乓 心內有話想要跟你講
唔當離開我 安呢我會艱苦 阮的水查某 走路得要看路 唔當離開我 安呢我會艱苦 阮的水查某 我要來娶你做某
咱來Kahwin 你來大肚子 生十二個仔 當去踢Football 我強勇Tahan久 給你免吃苦 一世人免煩惱
唔當離開我 安呢我會艱苦 阮的水查某 你想要去哪裡 唔當離開我 安呢我會艱苦 我要來娶你做某 我要來給你快樂 阮的水查某 走路得要看路 走路得要看路 走路得要看路
------------------------------------------
《媠查某》Suí-tsa-bóo 阿牛A-gû(陳慶祥Tân Khìng-siông,馬來西亞)
有一個媠查某 ū tsi̍t-ê suí-tsa-bóo 行佇Pekan的街路 kiânn tī Pekan ê kue-lōo 長長虯虯的頭毛 tn̂g-tn̂g khiû-khiû ê thâu-moo 紅紅的喙箍 âng-âng ê tshuì-khoo 烏金烏金啊 oo-kim oo-kim--ah 愈看愈入心 jú khuànn jú ji̍p-sim
我是緣投的查埔 guá sī iân-tâu ê ta-poo 跍佇路邊挖鼻管 khû tī lōo-pinn óo phīnn-kóng 看著你 khuànn-tio̍h lí 我心肝四散傱 guá sim-kuann sì-suànn tsông 目睭大大拍乒乓 ba̍k-tsiu tuā-tuā phah pin-póng 心內有話啊 sim-lāi ū uē--ah 想欲共你講 siūnn-bueh kā lí kóng
毋通離開我 m̄-thang lī-khui guá 按呢我會艱苦 án-ne guá ē kan-khóo 啊阮的媠查某 ah gún ê suí tsa-bóo 行路著欲看路 kiânn-lōo tio̍h-beh khuànn lōo
毋通離開我 m̄-thang lī-khui guá Find more lyrics at ※ Mojim.com 按呢我會艱苦 án-ne guá ē kan-khóo 阮的媠查某 gún ê suí tsa-bóo 我欲來娶你做某 guá beh lâi tshuā lí tsuè bóo
咱來交寅啊 lán lâi kau-în--ah 你來大腹肚 lí lâi tuā-pak-tóo 生十二個囝 senn tsa̍p-jī ê kiánn 通去踢Football thang khì that Football 我強勇tahan久 guá kiông-ióng tahan kú 予你免食苦 hōo lí bián tsia̍h-khóo 一世人免煩惱 tsi̍t-sì-lâng bián huân-ló
毋通離開我 m̄-thang lī-khui guá 按呢我會艱苦 án-ne guá ē kan-khóo 阮的媠查某 gún ê suí-tsa-bóo 行路著欲看路 kiânn-lōo tio̍h-beh khuànn lōo
毋通離開我 m̄-thang lī-khui guá 按呢我會艱苦 án-ne guá ē kan-khóo 阮的媠查某 gún ê suí-tsa-bóo 我欲來娶你做某 guá beh lâi tshuā lí tsuè bóo
毋通離開我 m̄-thang lī-khui guá 按呢我會艱苦 án-ne guá ē kan-khóo 阮的媠查某 gún ê suí-tsa-bóo 你想欲去佗囉 lí siūnn-beh khì toh--looh
毋通離開我 m̄-thang lī-khui guá 按呢我會艱苦 án-ne guá ē kan-khóo 我欲來娶你做某 guá beh lâi tshuā lí tsuè bóo 我欲來予你快樂 guá beh lâi hōo lí khuài-lo̍k
阮的媠查某 gún ê suí-tsa-bóo 行路著欲看路 kiânn-lōo tio̍h-beh khuànn lōo 行路著欲看路 kiânn-lōo tio̍h-beh khuànn lōo 行路著欲看路 kiânn-lōo tio̍h-beh khuànn lōo
- Special thanks to W.B. Chen for correcting the lyric.
- Related Links: W.B. Chen
|